സംഘബോധത്തിന്റെ ഹരിതസാക്ഷ്യങ്ങള്‍

കലുഷിതമായ വര്‍ത്തമാന പരിസരത്തുനിന്നുകൊണ്ട് മൂല്യബോധ പുഷ്കലമായ ഭൂതകാലത്തിലേക്ക് ആഴ്ന്നിറങ്ങി ഒരു ജനതയുടെ അടിവേരുകള്‍ കണ്ടെത്തുകയും അവരെ പാരന്പര്യത്തോട് അടുപ്പിച്ചുനിര്‍ത്തുകയും ചെയ്യുകയെന്നതാണ് എം.ഐ. തങ്ങളുടെ എഴുത്തിന്റെ പൊതുരീതി. കസവുകള്‍ തുന്നിപ്പിടിപ്പിക്കാത്ത, ഉള്ളുറപ്പുള്ള സരളമായ ഒരു ഗദ്യശൈലി എം.ഐ. തങ്ങളുടെ കൈവശമുണ്ടായിരുന്നു. ഈ സിദ്ധിവിശേഷം നിര്‍ലോഭം കളിയാടി നില്‍ക്കുന്ന കനപ്പെട്ട ഉപന്യാസങ്ങളുടെ സമാഹാരമാണ് ഈ ഗ്രന്ഥം